Томат - салқындықты жақсы көретін өсімдік. Сондықтан 40 градустан жоғары ауа температурасында жақсы өспейді.
Республикада Бұхараның ыстық климатына төзімді қызанақтың жаңа сорттары сәтті сынақтан өтті, деп хабарлайды Өзбекстан Ауыл шаруашылығы министрлігінің баспасөз қызметі.
Баспасөз қызметінің мәліметінше, қызанақ шілденің аптап ыстығына төтеп беріп, сынау барысында жақсы нәтиже көрсеткен.
Зерттеу барысында көкөніс, бақша дақылдары және картоп шаруашылығы ғылыми-зерттеу институтының ғалымдары аздап сортаңдау және ыстық климат жағдайында кешенді зерттеу үшін қызанақтың белгілі бір сорттарын таңдады.
Баспасөз қызметінің хабарлауынша, Бұхара облысының күрделі климаттық жағдайында өсіруге жарамды сортты жасау үшін сынақтар жүргізілуде. Бұхара ғылыми-тәжірибелік стансасындағы ғылыми зерттеулер 2022-2024 жылдар аралығында жалғасады.
Бұған дейін сол ғылыми-зерттеу институтының ғалымдары жылыжайда да, ашық жерде де өсіруге болатын қызанақтың алуан түрін анықтаған болатын.